/2023.06.07/: Өчигдөр Монгол Улсын Ерөнхий сайд Л.Оюун-Эрдэнэ Теслагийн эзэн ноён Элон Масктай цахимаар уулзаж манай улсад үйлдвэр байгуулах, хамтран ажиллах боломжийн талаар санал солилцсон.
Тэгвэл манай өмнөд хөрш болох БНХАУ-ын Шанхай хотод байрлах Теслагийн автомашины үйлдвэр 2023 оны тавдугаар сард л гэхэд зах зээлд 77,695 автомашин нийлүүлжээ.
Энэ нь жилийн дүнгээр 142 хувиар өссөн үзүүлэлт байна гэж тус компаниас мэдэгдсэн байна.
Тесла компанийн гүйцэтгэх захирал Илон Маск энэ сарын эхээр Хятадад айлчлах үеэрээ Теслагийн Шанхай дахь үйлдвэрт зочилж, үйлдвэрлэлийн үр ашиг, бүтээгдэхүүний чанарт сэтгэл хангалуун байгаагаа илэрхийлсэн.
2019 онд ашиглалтад орсон Теслагийн Шанхай дахь үйлдвэр нь тус компанийн гадаад улс дахь хамгийн том үйлдвэр юм.
Эх сурвалж: MN.CCTV
