/2023.06.07/: Өнөөдөр болох онцлох үйл явдлуудын мэдээллийг тоймлон хүргэж байна.
10.00 цагт: Төрийн тусгай албан хаагчдын нэгдсэн эмнэлгийн “Нээлттэй өдөрлөг” болно.
10.00 цагт Монголын Үндэсний музейд: Кино урлагийг дэмжих сангийн 2023 оны сонгон шалгаруулалт эхэлсэнтэй холбогдуулан Монголын Үндэсний кино урлагийн зөвлөлөөс хэвлэлийн бага хурал зарлажээ. Мөн Монгол кинонууд Каннын олон улсын кино наадамд оролцсон талаар мэдээлнэ.
10.00-15.00 цагт Эрүүл мэндийг дэмжих, урьдчилан сэргийлэх төвд: Иргэдийг харъяалал харгалзахгүйгээр биеийн найрлага, ясны нягтрал болон цусан дахь сахрын хэмжээг тодорхойлох үзлэг, шинжилгээ оношилгоог хийнэ.
11.30 цагт “Чингис хаан”-ы музейд: Саха (Якутад)-д зэрлэг цаа судлал, уламжлалт анагаах ухаанаар ажилласан монгол эрдэмтэн Б.Баасансүрэнгийн “Хойд туйлын бүсэд 30 жил” үзэсгэлэнгийн нээлт болно.
-Засгийн газрын ээлжит хуралдаан болно.
11.00-14.00 цагт: УИХ-ын Ажлын хэсгүүд болон Байнгын хороод хуралдана.
16:00-16:30 цагт “Новотел” зочид буудалд: Сөүл хотод зохион байгуулагдсан “Korea open cheerleading championship” олон улсын бүжгийн тэмцээнд 84-р сургуулийн 4-9 ангийн тамирчид амжилттай оролцож, цом алтан медаль авсан талаар мэдээлнэ.
13:00 цагт: Иргэн Д.Цолмонхүү Зээлийн мэдээллийн хуулийн зүйл заалт Үндсэн хууль болон бусад хуулийг зөрчин иргэдийн эрхийг ноцтойгоор зөрчиж буй талаар мэдээлнэ.
