/2023.05.16/: Эрдэнэс Тавантолгой ХК-д онцгой дэглэм тогтоохоос өмнө буюу 2022 оны тавдугаар сард 574 мянган тонн нүүрс борлуулсан бол 2023 оны мөн үед 10 сая тонн нүүрс борлуулж, борлуулалтын орлого 1 тэрбум ам.доллар хүрчээ.

Энэ нь өнгөрсөн оны мөн үетэй харьцуулахад борлуулалтын тоо хэмжээ 17 дахин, борлуулалтын орлого 14 дахин тус тус өссөн үзүүлэлт юм.

Тус компани 2022 онд 11,5 сая тонн нүүрс борлуулсан бол 2023 онд 30 сая тонн нүүрс борлуулж Монгол Улсын валютын нөөцийг нэмэгдүүлэх, эдийн засгийн өсөлтөд томоохон дэмжлэг үзүүлэхээр зорин ажиллаж байна.

Эх сурвалж: ЭТТ