/2022.08.03/ Засгийн газрын хуралдаанаас гарсан шийдвэрийг танилцуулж байна.

Хууль зүй, дотоод хэргийн сайд Х.Нямбаатар:

-Хичээлийн шинэ жил эхэлж байгаатай холбогдуулан боловсролын салбар дахь авлигын асуудлыг таслан зогсоох хяналт тавих чиг үүрэг бүхий ажлын хэсгийг 11-11 төв дээр өргөтгөсөн байдлаар зохион байгуулах үүрэг даалгаврыг өглөө. Ялангуяа Улаанбаатарт тойргийн бус хүүхдүүдийг сургуулийн захирал, цэцэрлэгийн эрхлэгч нар хувийн ашиг сонирхлын үндсэн дээр сургадаг, тодорхой нэр хүнд бүхий ЕБС-иудад сургадаг, сорилт шалгалтгүйгээр элсүүлэн авдаг асуудлыг таслан зогсоох зорилго бүхий ажлын хэсгийг байгуулж байна. Ажлын хэсгийн бүрэлдэхүүнд АТГ, ЦЕГ, ТЕГ зэрэг байгууллагын төлөөлөл оролцож байна гэлээ.