/2022.8.3/ БНСУ-ын Ерөнхийлөгч Юн Сог Ёл тус улсын боловсролын яамныхан буюу Засгийн газраас сургуульд элсэн орох хүүхдийн насыг 5-аас эхлүүлэх саналыг олон нийтийн дунд хэлэлцүүлэх үүргийг өглөө.
Харин энэ саналыг хүний эрхийн активистууд хүчтэй эсэргүүцэж байгаа юм. Мөн эцэг эхчүүд болон багш нар хүүхдүүдийг 5 настайд сургуульд оруулснаар илүү их өрсөлдөөнт нөхцөл байдал үүсэж, бяцхан хүүхдүүдийн ачаалал ихсэнэ хэмээн үзэж байна.
Энэ талаарх хэлэлцүүлгийг тус улсад олон нийтийн дунд явуулахаас гадна улстөрийн намуудын дунд явуулж, эцсийн үр дүнг парламентаар хэлэлцүүлэх ажээ.
Эх сурвалж: Koreatimes
