/2022.07.25/: Баянзүрх дүүргийн 20 дугаар хороо, “Туул” голын усанд тус бүр 3 зорчигчтой 2 автомашин суусан гэсэн дуудлагыг Онцгой байдлын газарт өчигдөр иржээ.
Дуудлагын дагуу Нийслэлийн аврах ангийн алба хаагчид очиход иргэн О-ын жолоодож явсан “Тоёота Приус-11” загварын суудлын автомашин, Б-ын жолоодож явсан “Тоёота Приус-30” загварын суудлын автомашинууд “Туул” голын усанд сууж, 7-11 насны 6 зорчигчийг аврах завь ашиглан тус автомашинуудаас аюулгүй газарт гарган ар гэрийнхэнд нь хүлээлгэн өгсөн байна.
Амралт зугаалгын улирал эхэлсэнтэй холбогдуулан голын ус, шаварт суух, голын усанд автомашинтайгаа урсах тохиолдлууд ихсэж байгаа тул иргэдийг өөрийн болон бусдын аюулгүй байдлыг ханган гарамтай газраар гол гарч байхыг зөвлөж байна.
Эх сурвалж: ОБЕГ
