/2022.6.27/ Монголын тэргэнцэртэй иргэдийн холбооноос хөгжлийн бэрхшээлтэй иргэдэд нөхөн үржихүйн эрүүл мэнд, бэлгийн боловсрол олгох сургагч багшийн 5 багцыг гаргажээ.
Энэхүү багцад гарын авлага, хэвлэмэл тараах материал, видео контент зэрэг орсон байна. Энэ талаар Монголын тэргэнцэртэй иргэдийн холбоо өөрсдийн сошиал хуудаснаа мэдээлэхдээ:
- НҮБХАС-гаас гаргасан Бэлгийн боловсролын ОУ-ын арга зүйн удирдамж дээр суурилсан
- ЭМЯ хүлээн зөвшөөрсөн
- ЭМЯ-ны эх барих эмэгтэйчүүд судлалын мэргэжлийн салбар зөвлөлөөр хүлээн зөвшөөрөгдсөн, хянагдсан
- Хүний Эрхийн Үндэсний Комисс хүлээн зөвшөөрөгдсөн
- Гарын авлагыг МУБИС-н Тусгай хэрэгцээт боловсролын багш нар, АШУҮИС-ын багш нар болон АУ-ны доктор профессорууд, экспертүүд маань төслийн багтай хамт боловсруулсан
Санхүүжүүлэгч Финландын гадаад хэргийн яам болон Флом төлөөлөгчийн газартаа гүн талархал илэрхийлье" гэжээ.
