/2021.08.10/: Сонгино хайрхан дүүргийн Тахилтад “Makerspace мэдээлэл, технологи, тоног төхөөрөмж хөгжүүлэлт туршилтын төв”-ийг барьж байгуулан үйл ажиллагаагаа эхлүүлж байна.
Энэхүү төв нь компьютер болон 3D принтерийг ашиглан хүссэн дүрс, эд зүйлээ бүтээх боломжтой сүүлийн үеийн шинэлэг технологийг нэвтрүүлэн ашиглаж байгаагаараа онцлог юм.
Хүүхэд залуус маань чөлөөт цагаа зөв боловсон өнгөрөөх газар хомс өнөө үед энэхүү төвд хүрэлцэн ирснээр бүтээлч сэтгэлгээгээ хөгжүүлэх, сүүлийн үеийн дэвшилтэт технологитой танилцан суралцах, ирээдүйн ажил мэргэжлээ сонгоход дөхөм болох зэрэг олон ач холбогдолтой хэмээн үзэж байгаа бөгөөд техник технологид сонирхолтой хүн бүрт нээлттэй, холбогдох материал хэрэгслээр ханган үнэ төлбөргүй сургалт зохион байгуулан ажиллаж байна. Мэдээлэл авах бол 89119119 дугаараар холбогдоорой.
