/2022.03.16/ Засгийн газрын хуралдаанаас гарсан шийдвэрийг танилцуулж байна.

Эсэргүүцлээ илэрхийлж талбай дээр жагссан жолооч нартай холбоотойгоор Зам тээвэр, хөгжлийн сайд Л.Халтар дараах мэдээллийг өглөө.

Тэрбээр,

-Тухайн жолооч нартай манай яамныхан уулзсан. Тэдний зүгээс Эрээнээс чингэлгээр тээвэрлэж буй ачааг зогсоож, задгай тээврийг сэргээх шаардлага тавьсан. Гэхдээ чингэлгийн тээвэр бол БНХАУ-аас тавьсан шаардлага. Тиймээс жолооч нарын энэ нөхцлийг хүлээж авах боломжгүй гэдгээ хэлсэн.

Харин үүний хариуд Замын-Үүдийн жолооч нараас хилийн 0 цэг хүртэл тээвэр явуулах санал тавьсан. Ингэхдээ БНХАУ-ын талаас мөн тээврийн хэрэгслээр хилийн 0 цэг хүртэл ачаа бараа зөөж, үүнийг манай жолооч нар нааш нь тээвэрлэх байдлаар зохицуулалт хийж өгөхийг хүссэн. Тиймээс манай яамнаас жолооч нарын энэ саналыг ГХЯ-нд хүргүүлэхээр ажиллаж байна гэлээ.