/2022.02.23/ Засгийн газрын хуралдаанаас гарсан шийдвэрийг танилцууллаа.

Ерөнхий сайдын хэвлэлийн төлөөлөгч Ч.Болортуяа:

-Өнөөдрийн хуралдаанаар Зүүнбаян-Ханги мандал чиглэлийн төмөр замын төслийн явцын талаар мэдээлэл сонсож, Ерөнхий сайд зарим үүрэг чиглэлийг өглөө.

Шинэ сэргэлтийн бодлогын төсөл арга хэмжээний 3 дахь жагсаалтад Зүүнбаян-Ханги мандал чиглэлийн төмөр замын төсөл арга хэмжээний талаар бичсэн байгаа. Энэхүү чиглэлийн төмөр зам ашиглалтад орсноор Дархан, Сэлэнгийн бүсээс Замын-Үүд, Эрээн, Жининь, Хөх хот, Бугат чиглэлийн 1,722 км маршрутыг Сайншанд, Зүүнбаян, Ханги8 Bандал, Бугат болж 1,404 км болж өөрчлөгдөнө.

Өөрөөр хэлбэл төмрийн хүдэр, нүүрс тээвэрлэх зай 318 км-аар богиносож, тээвэрлэлтийн өртөг буурна. Хамгийн гол нь төмөр замын экспортын шинэ суваг нээгдэж буйгаараа ач холбогдолтой. Өнөөдрийн ЗГ-ын хуралдаанаар Ерөнхий сайд энэ төслийг энэ оны гуравдугаар сард эхлүүлж аравдугаар сард дуусгах үүрэг чиглэлийг холбогдох сайд албаны хүмүүст үүрэг болголоо.