/2022.02.23/ Засгийн газрын хуралдаанаас гарсан шийдвэрийг танилцууллаа.

Энэ үеэр Ерөнхий сайдын Хэвлэлийн төлөөлөгч Ч.Болортуяа:

Өнөөдрийн байдлаар 12 ба түүнээс дээш насны иргэдийн 92 хувь нь вакцины бүрэн тунд хамрагдаад байна. Мөн 18 дээш насныхны 53 хувь нь вакцины гуравдугаар тунд хамрагдсан тоон мэдээлэл байгаа. Харин дөрөвдүгээр тунд 90 гаруй мянган хүн хамрагдсан. Хэдийгээр манай улс дархлаажуулалтын хувиар өндөр байгаа ч ЭМЯ, олон улсын эрдэмтэн судлаачид нэмэлт дархлаажуулалтын ажлыг идэвхтэй үргэлжлүүлэх шаардлагатай байгааг хэлж байна.

Ковидын халдвар туссаны дараа илэрч буй эрүүл мэндийн сөрөг нөлөөллийг бууруулахад вакцины нэмэлт тун өндөр ач холбогдолтой байна. Тиймээс иргэдийг дархлаажуулалтдаа идэвхтэй хамрагдахыг уриалж байна гэлээ.