/2022.02.10/ Ардчилсан намын дэд дарга Ч.Отгочулуу Хөгжлийн банк холбоотой болон бусад цаг үеийн асуудлаар мэдээлэл өглөө.

Тэрбээр, "АН-ын зүгээс тэтгэвэр нэмэх болсонд баяртайгаар хүлээж авч байгаа. Манай намаас өмнө нь үүнтэй холбоотойгоор хэд хэдэн шаардлага тавьж байсан. Гэхдээ хэд хэдэн асуудал байна. Өнгөрсөн онд инфляц 15 хувьд хүрсэн. Гэтэл тэтгэврийг 15 хувь нэмэгдүүлж байгаа ердөө өнгөрсөн жилд оногдох худалдан авах чадварыг нөхөж байна гэсэн үг юм. Ер нь албан бусаар инфляцын түвшин 30-40 хувьд хүрсэн. Тэтгэвэр авдаг иргэдийн худалдан авах чадвар 40 хувиар буурсан. Тэтгэвэр нэмж байгаа нь сайшаалтай ч хангалттай хэмжээнд нэмэгдүүлсэнгүй" гэлээ.