/2022.02.10/ Ардчилсан намаас цаг үеийн асуудлаар мэдээлэл хийлээ.

АН-ын бүлгийн зөвлөх Д.Ганбаяр:

-2021 оны арванхоёрдугаар сарын 16-ны өдөр Чингэлтэй дүүргийн Эрүүгийн хэргийн анхан шатны шүүхээс Э.Бат-Үүлд дөрвөн жилийн хорих ял оноож, таслан сэргийлэх арга хэмжээ авсан. Эрүүгийн хэргийн шүүх хянан шийдвэрлэх тухай хуулийн 46.13-т "Шүүхийн шийдвэр гарснаас хойш 15 хоногийн хугацаанд шүүхийн шийдвэрийг гардуулж өгнө" гэж заасан байдаг. Гэтэл Чингэлтэй дүүргийн шүүх Э.Бат-Үүлд шүүхийн шийдвэрийг гардуулж өгөлгүйгээр 409 дүгээр хорих ангид 53 хоног саатуулсан. Э.Бат-Үүл даргыг 38 хоног шүүхийн шийдвэргүйгээр саатуулж, хорьсон. Шүүхийн тогтолцоо ийм л байна.

Үүнтэй холбогдуулан бид Улсын дээд шүүхийн шүүгч Х.Сонинбаяр, С.Амардэлгэр болон өөрийгөө Ардчилсан намын дарга хэмээн хэлж энэ намыг өнөөдрийн байдалд хүргэсэн УИХ-ын гишүүн Ц.Туваан нарыг өнгөрсөн оны арванхоёрдугаар сард АТГ-т шалгуулахаар өгсөн байдаг. Тухайн үед АТГ тус хэргийг Нийслэлийн прокурорт шилжүүлсэн. Харин Нийслэлийн прокурор энэ асуудлаар хэрэг үүсгэх шаардлагагүй гэж үзсэн. Өнөөдөр шүүхийн байгууллага ийм л байна гэв.