/2022.02.10/ Монгол Улсад амьдардаг Өвөрмонгол иргэд ӨМӨЗО-нд Монголын түүх хичээлийг хичээлийн программаас хассан, мөн 21 аймаг, 9 дүүргийн сургуулийн багш нарт монгол бичиг заах аян өрнүүлэх талаар мэдээл хийлээ.

Өвөрмонгол иргэд:

-ӨМӨЗО-д монгол хэл, бичгийг ялгаварлан гадуурхах, сургалтын системээс хасах бодлого явуулсан. Үүний эсрэг Өвөрмонголчууд тэмцэж монгол хэлээр хичээлээ үздэг байхаар болсон. Гэсэн ч зарим ЕБС-д Монголын түүх хичээлийг үзэхийг хориглолоо. Тиймээс Монгол Улсад байгаа бүх Өвөрмонгол иргэд нэгдэж төрийн байгууллагуудад монгол бичгийг үнэ төлбөргүй заах санаачлагыг гаргаж байна.

Энэхүү санаачлагад 10-аас дээш жил Монгол бичгийн хичээл зааж байгаа зарим багш нар нэгдсэн. Түүнчлэн гадаадад суугаа Өвөрмонгол иргэд энэхүү үйл ажиллагаанд идэвхитэй оролцохоо илэрхийлсэн гэлээ.