/2022.02.10/ Австрийн цагдаа нар ачааны машины дор бэхэлсэн модон хайрцагт нуусан байсан 8 хүний цогцсыг олжээ.

Дээрх Турк иргэд Румыны улсаас Унгараар дамжин Австри руу худалдагдсан талаар мэдээлсэн байна. Амь үрэгдсэн хүмүүсийн зарим нь модон хайрцагт тээвэрлэгдэх явцад осгож, зарим нь олон цагаар машины утаанд хордсоны улмаас ухаан алдаж, нас баржээ.

Энэ хэрэг явдал өнгөрсөн сард болсон ч хэргийн талаарх мэдээлэл өчигдөр буюу энэ сарын 9-ний өдөр олон нийтэд ил болжээ.

Албаныхны мэдээлснээр жолооч болох 39 настай Турк эр найман удаа Австри руу тээвэрлэлт хийж 40 хүнийг хууль бусаар худалдаалсан гэдгээ хүлээн зөвшөөрсөн байна. Тэрбээр нэгийг нь 15,000-16,000 еврогоор зардаг байжээ. Энэ хэрэгтэй холбогдуулан 56 настай Турк эрийг мөн хамсаатнаар баривчилжээ.