Шатахууны үнийн асуудлаар төрийн ордонд яг одоо хэлэлцүүлэг өрнөж байна.

Энэ талаар УУХҮ-ийн сайд Г.Ендон: "Жижиглэнгийн үнийн 70 хувийг хилийн үнэ бүрдүүлдэг. Хилийн үнэ өссөн тул шатахууны үнэ өссөн. АИ-92 бол өргөн хэрэглээний шатахуун тул бид ААН-тэй үнээ нэмэхгүй байх талаар ярилцсан. Үүний үр дүнд иргэдийн 60 хувь нь вакцинжуулалтаа хийлгэсний дараа үнэ нэмэх зөвшилцөлд хүрсэн юм" гэв.

Мөн тэрбээр "ААН-үүд ашиг олох ёстой. Тэд ажилчдаа цалинжуулах үүрэгтэй. Шатахуун импортлогч ААН-үүд нэгдүгээр сараас литр тутамд 600 төгрөгийн алдагдал хүлээж ирсэн. Энэ байдал удаан үргэлжилбэл шатахууны хомстол үүсэх эрсдэл байсан тул үнийг шат дараатай нэмлээ" гэж тайлбарлалаа.