/2022.01.26/ Нийслэлийн Онцгой комиссын Шуурхай штабаас аж ахуйн нэгж байгууллагад коронавируст халдвараас урьдчилан сэргийлэх, батлагдсан тохиолдлын үед ямар арга хэмжээ авах талаар зөвлөмж хүргүүлжээ.

Зөвлөмжид хамт олноороо нэг дор бөөгнөрөн хоол, цай уухыг хориглох, хурал, цуглаан, сургалтыг цахимаар зохион байгуулах, ажилтан, ажилчдад айл хэсэхгүй, зочин урихгүй, байгууллагын үйл ажиллагааг алдагдуулахгүйгээр аль болох зайнаас ажиллахыг тусгасан байна.

Харин ажилтан, албан хаагчид коронавирусийн халдвар авсан нь батлагдвал 5 хоногийн чөлөө олгож, халдвар илрүүлэх шинжилгээний "сөрөг" хариутай бол ажилдаа орж болохыг зөвлөжээ.