/2022.01.24/: Олон нийтийн өмнө дэлхийн хамгийн том криптовалютын бирж болох Binance засгийн газрын хяналтыг сайшааж байгаагаа мэдэгдсэн.
Үүний зэрэгцээ тус бирж нь зохицуулагчдаас мэдээллийг нуун дарагдуулж, үйлчлүүлэгчиддээ тавих хяналтаа сулруулж, өөрийн дагаж мөрдөх хэлтсийн зөвлөмжийн эсрэг үйл ажиллагаа явуулж байсныг Ройтерс агентлагийн судалгаагаар тогтоожээ.
Тайлангаас харахад Binance уламжлалт санхүүгийн фирмүүд болон олон крипто өрсөлдөгчдийг удирддаг дүрмээс гадуур ажилладаг. Корпорацийн тунгалаг бус бүтэц нь Binance-д олон улсын зохицуулагчид орон нутагт бүртгэлтэй компаниудад борлуулахыг зөвшөөрдөггүй бүтээгдэхүүнийг санал болгох боломжийг олгосон.
Binance нь үндсэн онлайн бирж нь аль эрхзүйн харьяалалд байдгийг тодруулахаас удаа дараа татгалзаж байгаа нь зохицуулагчдын үйл ажиллагаандаа хяналт тавих хүчин чармайлтыг хүндрүүлж байна. Мөн энэ нь үйлчлүүлэгчийн суурь шалгалтын өртөгийг багасгасан. Зохицуулах байгууллага болон тодохой мэдээлэлтэй хүмүүсийн бичиг баримтын дагуу санхүүгийн эрх баригчид болон бизнесийн түншүүдээс тодруулга авахад Binance дор хаяж дөрвөн удаа үйл ажиллагааныхаа талаар дэлгэрэнгүй хариулт өгөхөөс татгалзсан байна.
Reuters-ийн олж үзсэн шифрлэгдсэн Telegram мессежүүдэд Binance компанийн хууль дүрэм дагаж мөрдөх албаны ахлах ажилтан Самуэль Лим, Дэлхийн мөнгө угаах гэмт хэргийн тайлан хариуцсан ажилтан асан Карен Леонг зэрэг ажилтнууд мөнгө угаахаас урьдчилан сэргийлэх зорилготой "харилцагчаа мэдэх" шалгалт сул байгаа талаар санаа зовж байгаагаа илэрхийлжээ.
Binance-ийн дээд албаны мэргэжилтэн асан гурван ажилтан Ройтерс агентлагт хэлэхдээ тэд Жао-д ийм санаа зовнилоо илэрхийлсэн боловч тэр тэднийг үл тоомсорлосон. Binance 2020 оны эхээр тараасан дотоод тайланд "онц" мөнгө угаах эрсдэлтэй гэж үзэн Орос, Украйн зэрэг долоон улсад үйлчлүүлэгчдийг үргэлжлүүлэн элсүүлснээр өөрийн дагаж мөрдөх хэлтсийн үнэлгээний эсрэг үйлдэл хийсэн хэмээн Ройтерс агентлаг үзжээ.
Өнгөрсөн жил Binance Германы бизнесийн түнштэй тохиролцон дагаж мөрдөх дүрмийг сулруулсан нь Binance-ийн зарим ажилтнуудын дунд түгшүүр төрүүлээд байжээ.
Эх сурвалж: Ройтерс
