/2022.01.16/: 2020 оны наадмын барилдаанаас допинг илэрсэн шалтгаанаар улсын аварга Н.Батсуурь, улсын арслан Р.Пүрэвдагва, улсын харцага Б.Бат-Орших нарын барилдах эрхийг Монголын үндэсний бөхийн холбооноос 11 сарын хугацаатай хасах шийдвэр гаргасан билээ.

Тэгвэл эдгээр бөхчүүдийн барилдах эрхийг хассан хугацаа дууссан бөгөөд энэ тухай Монголын үндэсний бөхийн холбооноос мэдэгджээ.

Эдгээр бөхчүүдээс Н.Батсуурь болон Р.Пүрэвдагва нар өнөөдөр болох Улсын харцага цолны хүндэтгэлийн барилдаанд барилдахаар бүртгүүлсэн боловч бөхчүүд тэднийг барилдуулахыг эсэргүүцээд байгаа билээ.

Дөнгөж саяхан улсын аварга Н.Батсуурь өөрийн цахим хуудсаараа дамжуулан МҮБХ-ноос гаргасан шийдвэрийг танилцууллаа.

Энэхүү шийдвэрийг эсэргүүцсэн бөхчүүд барилдахаас татгалзаж байгаа бөгөөд бөхийн барилдаан одоог хүртэл эхлээгүй байна.