/2021.12.10/: Сүүлийн өдрүүдэд гадаа дулаахан мөн сайжруулсан шахмал түлш түлж байгаа ч нийслэлийн агаар нүдэнд харагдахуйц муу байна гэж сошиал орчинд иргэд ихээр бухимдаж байна.

Өнөөдөр өглөөний 07 цаг 15 минутын байдлаар Сонгинохайрхан дүүрэг дэх Толгойт орчмын агаарын бохирдол хамгийн их байгаа бөгөөд PM2,5 тоосонцрын хэмжээ хамгийн оргил үедээ 203 заасан байна. Өнгөрсөн 24 цагт хамгийн их бохирдсон үедээ тухайн байршилд PM2,5 тоосонцорын хэмжээ 404 хүртэл өссөн байна.

Одоогийн байдлаар нийслэлийн ихэнхи байршилд агаарын бохирдол хэвийн гэж зааж байна.

Эх сурвалж: agaar.mn