-Өнөөдөр ДОХ-ын эсрэг өдөр-

/2021.12.1/ Жил бүрийн арванхоёрдугаар сарын 1-н бол ДОХ-ын эсрэг өдөр байдаг.

ДОХ-ын эсрэг өдөр гэдэг нь ХДХВ-ийн шинэ тохиолдлын тоог бууруулах алхмуудыг хийх, ХДХВ/ДОХ-той иргэдийн эрхийг хамгаалах, тэднийг ялгаварлан гадуурхахын эсрэг өдөр гэсэн үг.

ДОХ-ын вирүстэй анхны тохиолдол гарснаас хойш 40 жил өнгөрчээ. 2020 оны байдлаар 37,7 сая хүн ХДХВ/ДОХ-ын халдвартай амьдарч байна. Мөн онд шинээр 1,5 сая хүн ХДХВ-ийн халдварт өртжээ. Харамсалтай нь, 680 мянган хүн ДОХ-оор амиа алдсан байна.

ДЭМБ-ын 2021 оны уриа нь "Тэгш бус байдлыг арилгаж, ХДХВ-ийн халдварын тоог зогсооё" гэж байх ажээ. Учир нь ХДХВ-тай хүмүүсийн эмчилгээ нь дэлхий дахинд харилцан адилгүй байх нь улам бүр нэмэгдэж байгаа юм.

Манай улсын хувьд ХДХВ/ДОХ-той хүний тоо 2020 оны тавдугаар сарын байдлаар 292 байжээ.