/2022.12.23/: Ураг болон нярайд хүчилтөрөгчийн хурц болон архаг дутмагшил янз бүрийн шалтгааны улмаас үүсч улмаар бие махбодид нүүрс-хүчлийн хий, бодисын солилцооны дутуу исэлдсэн бүтээгдэхүүн илүүдлээр хуримтлагдан ураг, нярайн уураг тархийг гэмтээснээс үүдэн гарах төв мэдрэлийн тогтолцооны эмгэг өөрчлөлтийг хүчилтөрөгч-цус дуталт тархины эмгэгшил гэнэ.
Эрсдэлт хүчин зүйл:
ургийн хөгжлийн үе:
- жирэмсний хожуу үеийн гестоз
- эхийн нас / 18-аас доош, 35-аас дээш/
- эх жирэмсэн үедээ ямар нэг халдвараар өвчилсөн
- эхийн архаг хууч өвчин
- эхийн ажлын нөхцөл хортой
- үр хөврөлд нөлөөлөх эм хэрэглэсэн
- бага жинтэй /2500 гр-аас доош / төрсөн
- дутуу төрсөн /тээлтийн нас 37 долоо хоногоос доош /
- дутуу төрөхийг завдсан
төрөлтийн үе:
- түргэн төрсөн
- төрөх хүчний сулрал
- бүтэлт
- төрөх үеийн тархины гэмтэл
- төрсний дараах үе:
- тархины цус харвалт
- цөмийн шарлалт
- мэдрэл халдвар
Эдгээр хүчин зүйлсээс шалтгаалж тархины хүчилтөрөгчийн дутагдалд орох боломжтой байдаг.
