/2021.11.09/: Итали улсад сүүлийн хэдэн арван жилд болж буй хамгийн том шүүх хурлын эхний шатанд "Ндрангета" хэмээх хүчирхэг мафийн бүлэглэлийн 70 гишүүнд ял оноолоо.
Шүүгдэгчид аллага үйлдэхийг завдсан, дээрэмдэх зэрэг хэрэгт буруутгагдаж байгаа ажээ.
Ирэх хоёр жилийн хугацаанд Италийн хамгийн баян, хамгийн хүчирхэг зохион байгуулалттай гэмт хэргийн бүлэглэлтэй холбоотой танхайрагч, авлигач гэх 355 албан тушаалтан шүүхэд дуудагдах гэнэ.
Олон зуун өмгөөлөгч, мянга шахам гэрч тус шүүх хуралд оролцож байна.
Бямба гаригт болсон "макси шүүх хурал" Калабрийн Ламезиа Терме хотын тусгайлан зассан шүүхийн танхимд хаалттай хаалганы цаана явагдлаа.
Яллагдагчид шүүх хурлыг маш богино хугацаанд зохион байгуулснаар шүүгдэгчид буруутай нь тогтоогдсон тохиолдолд ялыг нь гуравны нэгээр бууруулах, хөнгөрүүлэх боломжийг олгосон гэнэ. Шүүгчид ял шийтгүүлэгсдийн зургаад нь прокурорын хүссэн ялын дээд хэмжээ болох 20 жилийн хорих ял оноосон бол 21 шүүгдэгчийг цагаатгасан байна.
"Ндрангета" бол 150 орчим гэр бүлээс бүрдсэн өргөн хүрээтэй гэмт хэргийн сүлжээ юм. Энэхүү шүүх хурал нь Манкусогийн гэр бүлийнхэнд л зориулагдсан байжээ.
Уртаас урт ялын хуудсанд хар тамхины хэргүүд, хүн амины хэрэг, хүн алахыг завдсан, дээрэмдэх, зээл авсан, албан тушаалын нууц задруулсан, албан тушаалаа урвуулан ашигласан гэх мэт хэргүүд багтсан байна.
"Авга ах" хочтой 67 настай босс Луижи Манкусо болон түүний туслах цагаан захтан гэж таамаглаж байсан 68 настай сенатор асан Жианкарло Питтелли нарын хэргийг шүүх хурал удаан үргэлжилсэн байна.
Италийн мафийн эсрэг хэргийг шүүхэд тэргүүлж байгаа хүн бол хамгийн нэр хүндтэй ахлах прокуроруудын нэг Никола Граттери юм. Тэрээр Италийн гэмт хэргийн бүлэглэлтэй тэмцэхэд олон арван жилийг зарцуулсан бөгөөд үүний үр дүнд 30 гаруй жил цагдаагийн хамгаалалтад амьдарчээ.
Ноён Граттери энэ оны эхээр "хүмүүсийн амьсгал, зүрхний цохилтыг авдаг, амьсгалыг боогдуулж буй "Ндрангета"-г устгахаа амласан бөгөөд бямба гаригийн ял “маш сайн” болсон гэж сэтгүүлчдэд мэдэгдэв.
"Ндрангета" нь 1980-аад оны сүүлчээр явагдсан туршилтын дараа нэр хүндтэй болж, Сицилийн Коса Ностра мафийн гэр бүлийн хүчийг ихээхэн сулруулсан байдаг.
"Ндрангета" нь олон төрлийн хууль бус үйл ажиллагаанд оролцдог бөгөөд кокаин худалдаалах чиглэлээр мэргэшсэн. Европын худалдааны 80 орчим хувийг хянадаг гэж үздэг.
Эх сурвалж: bbc.com
