Өнөөдөр /11.08/ УИХ-ын гишүүн крипто биржид шинээр койн гаргахыг хорих боломжгүй гэх мэдээлэл өгч байв. Тэрээр "УИХ-ын дарга Г.Занданшатар виртуал хөрөнгийн тухай хууль батлагдах хүртэл шинээр койн гаргахгүй байх үүрэг өгсөн. Хуулийн талаас тийм боломж байхгүй ч Санхүүгийн зохицуулах хороо судалж байгаа." гэх тайлбарыг өгсөн юм.

Тэгвэл Санхүүгийн зохицуулах хорооноос виртуал хөрөнгийн үйлчилгээ үзүүлэгчийн хуулийн төслийг эцэслэн батлагдаж, хүчин төгөлдөр болох хүртэл хугацаанд аливаа виртуал хөрөнгийн арилжааг зохион байгуулдаг платформоор дамжуулан шинээр койн, токеныг санал болгох, худалдах болон тэдгээрийн үйл ажиллагаатай зуучлал, арилжааг зохион байгуулахааргүй болсон талаар мэдэгдэл гарлаа.

Мэдэгдлийг бүрэн эхээр нь хүргэж байна.