/2021.10.20/ Сайд нар өчигдөр сэтгүүлчидтэй уулзлаа. БШУ-ы сайд Л.Энх-Амгалан боловсролын зээлийн сангийн талаар ийн хэллээ.

Боловсролын зээлийн сангийн санхүүжилт дорвитой байсан үед 60-70 тэрбум төгрөг авч байсан. Одоогоор 200 гаруй суралцагч баклаврын тэтгэлэг авч байна. Үүн дээр 12-13 тэрбум төгрөгийн санхүүжилт шаардлагатай байдаг.

Боловсролын зээлийн сангийн төсөв 40 тэрбум байлаа гэхэд 40 хувь нь цөөхөн хэдэн хүүхдийн сургалтын зардалд зарцуулагдаж байна. Энэ нь үр дүн муутай.

Тиймээс 2022 оны төсөв дээр боловсролын зээлийн сангийн хүртээмжийг нэмэгдүүлэх асуудал байгаа. 150 мянган хүүхдийн 10 мянга нь л зээл авч байна. Үүнийг хамгийн багадаа 30 мянган хүүхдэд хүртээмжтэй байлгах боловсролын зээлийн бүтээгдэхүүн байх шаардлагатай гэж харж байна.