/2023.4.12/ Засгийн газрын хуралдаанаар Оюутолгой компанийн ТУЗ-өөс Н.Багабанди өөрийн хүсэлтээр чөлөөлөгдөх хүсэлтээ илгээсэн талаар мэдээлсэн.

Түүний зэрэгцээ "Эрдэнэс Монгол" компанийн Зэс, метал группийн дарга Х.Бадамсүрэнг ажлаас нь чөлөөлж буйг ЗГХЭГ-ын дарга Д.Амарбаясгалан мэдээллээ.

Х.Бадамсүрэнг Эрдэнэт үйлдвэрийн захирлын албан тушаалаас чөлөөлж "Эрдэнэс Монгол" компанийн Зэс, метал группийн даргаар ажиллуулж байсан билээ.

Тэрбээр, Монгол-Оросын хамтарсан “Монголросцветмет” нэгдлийн анхны монгол ерөнхий захирал, “Дарханы төмөрлөгийн үйлдвэр” ТӨХК-ийн менежментийн багийн удирдагч, Уул Уурхайн дэд сайд, УИХ-ын гишүүн гээд 1980 оноос хойш тасралтгүй удирдах албан тушаал хашиж байжээ.