/2023.03.27/: Киев хотод өнгөрсөн шөнө олон удаагийн дэлбэрэлт болсон байна. Хотын дарга Виталий Кличкогийн хэлснээр даваа гарагийн орой Оболон, Святошинскийн орон сууцны хорооллуудад дэлбэрэлт болсон байна.
Дэлбэрэлт болохоос өмнө хотын агаарын довтолгооны дуут дохио идэвхжсэн гэж Киев мужийн цэргийн захиргаа Telegram дээр мэдээлэв.
“Нийслэлийн зэргэлдээх бүс нутагт аюул байсаар байна! Агаарын довтолгооноос хамгаалах хүчин бэлэн байдалд байна” гэж Киев мужийн цэргийн удирдлагын постонд бичжээ.
Их Британийн танкууд Украинд ирлээ: Украйн Улс Британийн анхны байлдааны танкууд болон барууны орнуудаас хандивласан бусад хуягт машинуудыг хүлээн авлаа гэж Батлан хамгаалахын сайд Алексей Резников өчигдөр мэдэгдэв.
Зеленский Запорожье, Днепр мужид айлчилж, НҮБ-ын цөмийн агентлагийн даргатай уулзав: Украины Ерөнхийлөгч Володимир Зеленський даваа гарагт Оросын хэсэгчлэн эзэлсэн Запорожье мужид айлчиллаа. Тэрээр цэргийн эмнэлгийн дэргэд саатаж, Олон улсын атомын энергийн агентлаг (МАГАТЭ)-ийн дарга Рафаэль Гросси болон цэргийнхэнтэй уулзсан байна. Зеленський мөн ОХУ-ыг Украины атомын цахилгаан станцын (АЦС) нэгийг хяналтандаа байлгаж байгааг "цөмийн шантааж хийсэн" гэж буруутгав.
Хотын төв дүүргүүдэд ширүүн тулаан үргэлжилж байгаа тул Вагнерын ахлагч Бахмут руу дахин зочиллоо: Оросын "Вагнер" хувийн цэргийн компанийн дарга Евгений Пригожин зүүн Бахмут хотын фронтын шугамд дахин зочилсон тухай CNN гео-байршуулсан видео бичлэгээр мэдээлжээ. Уг бичлэгийг даваа гарагт байршуулсан бөгөөд Оросын сэтгүүлч Александр Симонов зураг авалтыг хийсэн байна.
Славянск хотод оросууд цохилт өгсний улмаас хоёр хүн амь үрэгдэж, хэд хэдэн хүн шархадлаа: Украины эрх баригчид Славянск хотод Оросын пуужингийн цохилт өгсөн газарт эрэн хайх, аврах ажиллагааг дуусгалаа гэж Донецк мужийн цэргийн захиргааны дарга Павло Кириленко даваа гарагт үндэсний телевизэд мэдэгдэв. Донецк мужийн зүүн хэсгийн хотод болсон цохилтын улмаас хоёр хүн амиа алдаж, 32 хүн шархадсан байна.
Беларусийн сөрөг хүчний удирдагч Свиатлана Цихануская даваа гарагт CNN агентлагт өгсөн ярилцлагадаа Оросын цөмийн зэвсгийн шийдвэр нь олон улсын аюулгүй байдлыг зөрчиж байна гэж мэдэгдэв: Орос өөрийн хөрш Беларусийн нутагт тактикийн цөмийн зэвсэг байршуулах шийдвэр нь "Беларусийг эрхшээлдээ оруулах зорилготой бөгөөд үндсэн хуулийг зөрчсөн" гэж мэдэгджээ. Герман мөн ОХУ-ын Ерөнхийлөгч Владимир Путины цөмийн зэвсгийн талаар гаргасан шийдвэрийг “хариуцлагагүй” бөгөөд “хэтэрсэн” гэж тодорхойлсон бол Германы Гадаад хэргийн яамны хэвлэлийн төлөөлөгч Андреа Сассе энэ мэдэгдэл нь “Оросыг цөмийн зэвсгээр айлган сүрдүүлэх дараагийн оролдлого” гэж мэдэгдэв.
Эх сурвалж: CNN
