/2023.03.16/ Хойд эцэг нь гурван настай хүүгээ ухаангүй болтол нь зодсон хэрэг гарсан.

Тэгвэл өнөөдөр өглөө цахим орчинд хүүг амиа алдсан гэх мэдээлэл цацагдаад байна. Үүнийг бид ГССҮТ-өөс тодруулахад, "Энэ бол худал мэдээлэл. Одоогоор хүүгийн байдал хэвийн байгаа. Гэхдээ ухаан ороогүй хэвээр, эрчимт эмчилгээний тасагт эмчлүүлж байна" гэсэн юм.

Эргэн сануулахад, хэрэг 2023 оны гуравдугаар сарын 6-7-нд шилжих шөнө болсон талаар цагдаагийн байгууллагаас мэдээлж байсан юм. Улмаар хүүг энэ сарын 8-ны өдөр төрсөн ээж "Л" болон хамтран амьдрагч "Э" нар ГССҮТ-т хүргэсэн байдаг. Харин хүүгийн нь хойд эцэг гэх "Э" нь хүргэж өгсөн даруйдаа зугтаж улмаар цагдаагийн газраас түүнийг баривчлаад байгаа юм.