/2023.03.09/ Өчигдөр буюу гуравдугаар сарын 08-ны өдөр ГССҮТ-өөс цагдаагийн байгууллагад “Бага насны хүүхэд биедээ ил харагдах гэмтэлтэй, ухаангүй байдалтай ирлээ” гэх дуудлага иржээ.

Үүний дагуу шалгалтын ажиллагаа явуулахад 3 настай, эрэгтэй "Б"-г түүний ээжийнх нь хамтран амьдрагч болох 34 настай "Э" зодсон болох нь тогтоогджээ. Улмаар "Э" нь хүүг ГССҮТ-д хүргэж өгөөд зугтсан байна. Тэрээр 3-6 насны хүүхдүүдийг гэртээ харж үлдэхдээ гурван настай "Б"-г зодсон гэх нөхцөл урьдчилсан байдлаар тогтоогдоод байгаа аж. Үүнтэй холбогдуулан цагдаагийн байгууллагаас шуурхай эрэн сурвалжлах ажиллагааг явуулж холбогдогч Э-г баривчилжээ.

Одоогоор хохирогч хүүгийн биеийн байдал хүнд, ухаангүй эмнэлгийн байгууллагад эмчлэгдэж байгаа аж.