/2023.03.15/: Экспортод гаргах нүүрсний цахим арилжаа өнөөдөр явагдаж, “Энержи Ресурс” ХХК-ийн экспортод гаргах 5 багц буюу нийт 32,000 тонн баяжуулсан коксжих нүүрсийг дуудлага арилжаагаар арилжлаа.

Энэхүү дуудлага арилжаагаар дуудах үнэ 12 хувиар өсч, 1400 юань хүрсэн байна.

Өнөөдрийн арилжаанд нийт 4 компани оролцож, үүнээс 4 компани худалдан авах санал гаргаж оролцжээ.

Дараагийн дуудлага арилжаа 2023 оны гуравдугаар сарын 17-ны өдрийн 11:00 цагаас болох бөгөөд “Тавантолгой” ХК-ийн экспортод гаргах 12,800 тонн дэгдэмхий бодис дунд, коксжих нүүрс мөн 13:00 цагаас "Эрдэнэс Тавантолгой" ХК-ийн экспортод гаргах 32,000 тонн хатуу коксжих нүүрсийг тус тус арилжихаар төлөвлөжээ.

Эх сурвалж: МХБ