/2023.03.10/: Ойролцоогоор Олимпийн усан сантай тэнцэх хэмжээтэй шинээр олдсон астероид нь 2046 оны Гэгээн Валентины баярын үеэр дэлхийтэй мөргөлдөх магадлалтай байна гэж НАСА-гийн Гаригийн хамгаалалтын зохицуулалтын алба мэдэгдэв.

Европын сансрын агентлагийн мэдээллүүд дээр үндэслэн уг астероидын дэлхийг мөргөх магадлал 625-д 1 гэж байгаа ч НАСА-гийн тийрэлтэт хөдөлгүүрийн лабораторийн харуулын систем нь 560-д 1 гэж тооцсон байна.

Гэвч 2023 DW нэртэй сансрын чулуу нь НАСА-гийн эрсдэлийн жагсаалтын цорын ганц объект бөгөөд дэлхийтэй мөргөлдөх объектын эрсдэлийг ангилах Ториногийн нөлөөллийн аюулын хэмжүүрээр 10-аас 1-д орж байнаа аж. Бусад бүх объектууд Торино хэмжүүрээр 0-д ордог.

Хэдийгээр 2023 оны DW нь жагсаалтыг тэргүүлж байгаа ч 1-ээр эрэмблэгдсэн нь "Олон нийтийн санааг зовоох шалтгаангүй бөгөөд мөргөлдөх магадлал тун бага" гэсэн үг юм.

Уг астероид нь дэлхийг мөргөх багадлал маш бага байгаа ч НАСА-гийн албаны хүмүүс 2023 оны ажиглалтуудыг цуглуулж, нэмэлт шинжилгээ хийснээр нөлөөллийн магадлал эрс өөрчлөгдөж болзошгүйг анхаарууллаа.

Эх сурвалж: CNN