/2023.03.06/: Бангладешийн эрх баригчид рохинжа дүрвэгсдийн хуаранд гарсан томоохон гал түймрийн шалтгааныг судалж байна.
Галын улмаас хүний амь нас хохирсон талаар мэдээлэл гараагүй байна. Галын шалтгаантай холбоотойгоор нэг хүнийг саатуулсан талаар орон нутгийн хэвлэлүүд мэдээлсэн бөгөөд хорлон сүйтгэх ажиллагаа байсан эсэхийг цагдаа нар шалгаж байгаа аж..
Бангладешийн зүүн өмнөд хэсэгт байрлах энэхүү хуаран нь дэлхийн хамгийн том дүрвэгсдийн хуаран гэдгээрээ алдартай юм.
Түймэр орон нутгийн цагаар ням гарагийн 14:45 цагт (GMT 08:45) эхэлсэн бөгөөд хоргодох байрууд нь хулс болон брезентээр хийгдсэн байдаг тул хурдан шатсан талаар албаны хүн мэдээллээ.
Бангладешийн дүрвэгсдийн асуудал эрхэлсэн комиссар Мижанур Рахман Франс Пресс агентлагт хэлэхдээ, "2000 орчим хоргодох байр шатаж, 12000 орчим Мьянмарын иргэд орон байргүй боллоо" гэв.
Эх сурвалж: ВВС
