Политехник коллеж, МСҮТ-үүдэд ESEL хөтөлбөр хэрэгжиж эхэллээ
 

Политехник коллеж, МСҮТ-үүдэд ESEL хөтөлбөр хэрэгжиж эхэллээ

No description available.

/2023.01.24/: Хүүхдийг Ивээх Сан “Орон нутгийн өсвөр үеийнхэнд хувь хүний ур чадвар, энтрепренершип боловсрол” олгох төслийг 2020 онд эхлүүлж, Ховд, Завхан, Өвөрхангай, Говьсүмбэр, Сүхбаатар аймагт хэрэгжүүлж байгаа билээ.

Энэ төсөл Дэлхийн банкны итгэлцлийн сан болон Японы Нийгмийн хөгжлийн сангийн буцалтгүй тусламжаар хэрэгжиж байгаа юм. Төслийн хүрээнд “ESEL хөтөлбөр хэрэгжүүлж буй Политехник коллеж, МСҮТ-үүдийн туршлага солилцох уулзалтыг зохион байгууллаа.

Уулзалт, хэлэлцүүлгийн үеэр Завхан аймгийн Тосонцэнгэл сумын МСҮТ, Говьсүмбэр, Өвөрхангай, Ховд аймгийн Политехник коллеж, Сүхбаатар аймгийн МСҮТ-ийн төлөөлөл явцын үр дүнгээ танилцуулсан юм. Говьсүмбэр аймгийн Политехник коллежийн оюутан С.Баттүшиг, Өвөрхангай аймгийн Политехник коллежийн суралцагч Э.Саранзаяа нар төслийнхөө танилцуулгыг энэ үеэр хийсэн юм.

May be an image of 13 people, people standing and indoor

Семинарт оролцогчид ESEL хөтөлбөрийн хэрэгжилтэд мэргэжлийн сургуулийн онцлогоос хамаарсан зохицуулалт хийх хэрэгцээ, анхаарах асуудлууд, санал болгож буй арга зам, зөвлөмжийн талаар хэлэлцлээ. Орон нутагт ажлын байр хомс, ур чадвар дутмаг байдгаас өсвөр үеийн хүүхэд, залуучуудад бэрхшээл тулгардаг. Тиймээс хөдөлмөрийн зах зээлд хамгийн их шаардагдаж буй хувь хүний ур чадвар, энтрепренершип боловсролыг зорилтот орон нутгийн өсвөр үеийнхэнд олгосноор тэдний сурлагын амжилтыг нэмэгдүүлж, хөдөлмөр эрхлэлтэд бэлдэхээр төслийн баг зорьж байгаа юм.

May be an image of 1 person and standing

БШУ-ы сайд Л.Энх-Амгалан энэ уулзалтад оролцох үеэрээ өсвөр насны хүүхдэд хувь хүний ур чадвар олгох, үүгээр дамжуулан сурлагын амжилтыг ахиулах, хөдөлмөр эрхлэлтэд бэлдэх чиглэлээр цаашид ч хамтран ажиллах болно гэлээ.

May be an image of 9 people, people standing and indoor

Эх сурвалж: БШУЯ

“Breathe Mongolia - Цэвэр Агаарын Эвсэл”
“Breathe Mongolia - Цэвэр Агаарын Эвсэл”
 
ОБЕГ: Мөсний зузаан харилцан адилгүй, цөмөрч болзошгүй байна
ОБЕГ: Мөсний зузаан харилцан адилгүй, цөмөрч болзошгүй байна
Сэтгэгдэл (0)
Анхаар!
Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Мэдээний сэтгэгдлийн хэсгийг mpress.mn сайт хариуцах тул, ёс бус сэтгэгдлийг админ устгах эрхтэй.