/2022.12.05/ Иргэд өчигдөр Сүхбаатарын талбайд "Нүүрсний хулгайчдын нэрсийг зарла" хэмээн Засгийн газраас шаардаж эсэргүүцлийн жагсаал зохион байгуулсан билээ. Тэд өглөө 10.00 цагаас оройны 00.00 хүртэл жагссан юм.

Мөн үүнээс гадна иргэд эсэргүүцлээ илэрхийлэхээр "Их тэнгэр" ам руу явсан. Гэсэн ч 100 гаруй цагдаагийн алба хаагчийн бүрэлдэхүүнтэй хамгаалалт гаргасан байсан юм. Үүнтэй холбоотойгоор цагдаагийн байгууллагаас жагсаал, цуглаанд оролцсон иргэдийг саатуулж, эрүүлжүүлсэн тохиолдол гараагүй гэсэн тайлбарыг өглөө.

Жагсаал өнөөдөр ч үргэлжлэх аж.