ОХУ Украины эрчим хүчний сүлжээнд геноцид хийж байна гэв
 
Энэ мэдээ хуучирсан буюу 2022/11/28-нд нийтлэгдсэн мэдээ болно.

ОХУ Украины эрчим хүчний сүлжээнд геноцид хийж байна гэв

/2022.11.28/: Украины эрчим хүчний дэд бүтцэд Орос улс удаа дараа халдаж байгаа нь яах аргагүй геноцид гэж Украины дээд албан тушаалтан мэдэгдэв.

Эрчим хүч, усан хангамжийн гол объектуудад цохилт өгсөн нь "Бүхэл бүтэн Украин үндэстэн"-ийг онилсон хэрэг бөгөөд Киевийг буулгаж авах гэсэн оролдлого гэж ерөнхий прокурор ВВС-д мэдэгдсэн байна.

Геноцид гэдэг нэр томъёо нь хэсэг хүмүүсийг устгах гэсэн оролдлогыг хэлдэг. Геноцид гэдэг нь НҮБ-ын геноцидийн конвенцид заасан "үндэстэн, угсаатан, арьсны өнгө, шашны бүлгийг бүхэлд нь буюу хэсэгчлэн устгах зорилготой" гэсэн үг юм.

Энэ сарын эхээр Украины цэргүүд хотыг эргүүлэн авсны дараа Херсон хотыг цахилгаанаар бүрэн хангасан бөгөөд зарим цахилгаан тасарсан айлуудыг холбох ажил үргэлжилж байна гэж албаны хүмүүс мэдэгдэв.

Гэхдээ 14 бүс нутаг болон нийслэл Киев хотын иргэд цахилгааны хэрэглээний хязгаарлалттай хэвээр байна гэж Ерөнхийлөгч Володимир Зеленський мэдэгдэв.

Украины Ерөнхий прокурор Андрей Костин ВВС-д өгсөн ярилцлагадаа, Оросууд Украины эрчим хүчний сүлжээнд халдсанаас гадна 11 мянган хүүхдийг Орос руу албадан гаргасан гэж мэдэгджээ.

"Ижил төрлийн гэмт хэргүүд" Оросын цэргүүдийн мэдэлд байсан Украины суурин бүрт ажиглагдаж байна гэж тэр тэмдэглэв.

Дайны гэмт хэрэг нь олон улсын гэрээ, түүний дотор Женевийн конвенцоор тогтоосон дайны "дүрэм"-ийг зөрчсөн үйлдэл юм.

Russia-Ukraine War Timeline: Maps of Russia's Attacks, Invasion

Өнгөрсөн амралтын өдрүүдэд Днепр хотод орон сууцны барилгууд руу довтолсны улмаас нэг хүн амиа алдаж, 13 хүн шархадсан гэж тус мужийн захирагч мэдэгдэв.

Үүний зэрэгцээ цагдаа нар энэ сарын эхээр Оросын цэргүүд өмнөд хотыг орхин гарснаас хойш Херсон хотод болсон цохилтуудын улмаас 32 энгийн иргэн амь үрэгдсэн гэж мэдэгдсэн юм.

Орос улс түрэмгийлснээс хойших дайны гэмт хэргүүдэд 260 хүнийг буруутгаж, Украины шүүхээс 13 ялын тогтоол үйлдсэн байна.

Эх сурвалж: ВВС

О.Цогтгэрэл: Газрын ерөнхий хууль Үндсэн хуулийн үзэл санааг зөрчиж байна
О.Цогтгэрэл: Газрын ерөнхий хууль Үндсэн хуулийн үзэл санааг зөрчиж байна
 
ОБЕГ: Мөсний зузаан харилцан адилгүй, цөмөрч болзошгүй байна
ОБЕГ: Мөсний зузаан харилцан адилгүй, цөмөрч болзошгүй байна
Энэ мэдээ хуучирсан буюу 2022/11/28-нд нийтлэгдсэн мэдээ болно.