Яармаг орчинд морин тойруулга бүхий цэцэрлэгт хүрээлэн байгуулна
 

Яармаг орчинд морин тойруулга бүхий цэцэрлэгт хүрээлэн байгуулна

/2022.11.17/ Саяхан Хүүхдийн паркын тохижилт болон Баянзүрх, Сонгинохайрхан дүүрэгт явган зам, дугуйн зам, тохижилт, ногоон байгууламж бүхий цэцэрлэгт хүрээлэнг байгуулах гэрээг Хотын дарга Д.Сумъяабазар, Рио Тинто Монгол компанийн Гүйцэтгэх захирал Х.Амаржаргал нар байгуулсан.

Тэгвэл өнөөдөр “Макс” группийн ерөнхийлөгч Д.Ганбаатар нар өнөөдөр Хан-Уул дүүргийн 8-р хороо буюу Яармаг орчимд цэцэрлэгт хүрээлэн байгуулах төсөлд хамтран ажиллах санамж бичигт Хотын даргын хамт гарын үсэг зурлаа.

Санамж бичигт дурьдсанаар, цэцэрлэгт хүрээлэн байгуулах болон орчин үеийн морин тойруулга, цэцэрлэгт хүрээлэн бүхий аялал жуулчлал, спортын цогцолбор байгуулах төслүүдэд төр, хувийн хэвшил хамтран ажиллахаар тус санамж бичгийг байгуулсан юм.

Энэ хүрээнд талууд нийтийн эдэлбэр 5 га газар олон нийтийн цэцэрлэгт хүрээлэн байгуулах, аж ахуйн нэгжийн эзэмшлийн газарт орчин үеийн морин тойруулга, цэцэрлэгт хүрээлэн, аялал жуулчлал, спортын цогцолбор бүтээн байгуулах хоёр төслийг хэрэгжүүлэхэд хамтран ажиллахаар боллоо.

Хамтран ажиллах санамж бичигт тусгаснаар аж ахуйн нэгж тус бүтээн байгуулалттай холбоотой санхүүжилтийг шийдвэрлэнэ. Тодруулбал, дотоод, гадаадын хөрөнгө оруулалт, санхүүжилтийг татах ажлыг тэд зохион байгуулж, бүтээн байгуулалтын ажлыг дуусгаж, ашиглалтад оруулах үүрэг хүлээж буй. Харин нийслэлээс төслийн бүтээн байгуулалтын ажилд дэмжлэг үзүүлж, бүтээн байгуулалттай холбоотой хэсэгчилсэн ерөнхий төлөвлөгөө боловсруулж, батлуулахтай холбоотой асуудлыг зохих журмын дагуу шийдвэрлэх үүрэг хүлээж байгаа юм.

Эх сурвалж: Улаанбаатар.мн

АТГ: Иргэдээс ирсэн гомдлын 63 хувь нь хүний нөөцийн томилгоо, авлигатай холбоотой байна
АТГ: Иргэдээс ирсэн гомдлын 63 хувь нь хүний нөөцийн томилгоо, авлигатай холбоотой байна
 
Улаанбаатарт маргааш -25 хэм, хүйтний эрч чангарна
Улаанбаатарт маргааш -25 хэм, хүйтний эрч чангарна
Сэтгэгдэл (0)
Анхаар!
Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Мэдээний сэтгэгдлийн хэсгийг mpress.mn сайт хариуцах тул, ёс бус сэтгэгдлийг админ устгах эрхтэй.