/2021.08.24/ Оюутны U-Money картын шинэ олголт, сунгалтын бүртгэл эхэллээ

2021-2022 оны хичээлийн жилд нийтийн тээврээр хөнгөлөлттэй зорчих оюутны U money картын шинэ олголт, сунгалт дараах байдлаар зохион байгуулагдана.

Шинээр захиалах:

Шинээр авах оюутнууд их, дээд сургуульдаа элссэний дараагаар буюу наймдугаар сарын 25-наас есдүгээр сарын 4-нийг хүртэл хугацаанд шинэ карт авах хүсэлтээ сургалтын албандаа өгөөрэй.

Сунгалт:

Гурван ээлжтэй зохион байгуулагдах бөгөөд доорх хугацаанд амжиж хүсэлтээ харьяа сургуульдаа гаргаарай.

1-р ээлж наймдугаар сарын 23-наас наймдугаар сарын 27-ны хооронд,

2-р ээлж наймдугаар сарын 31-нээс есдүгээр сарын 7-ны хооронд,

3-р ээлж есдүгээр сарын 13-наас есдүгээр сарын 20-ны хооронд.

Сунгалт хийлгэх хүсэлт гаргахдаа сургуульдаа картаа өгөх шаардлагагүй, Онлайн банкны үйлчилгээгээр шилжүүлэх боломжтой. Сунгалт хийж дуусах хүртэл картаа цэнэглээд ашиглаарай.

Дахин авах:

Цахим карт дахин авах бол “Нийслэлийн үйлчилгээний нэгдсэн төв” /Дүнжингарав, Драгон, Оргил 6 буудал, 3.4-р хороолол Имарт, Баянхошуу дэд төв/-ийн салбаруудад очиж картаа дахин авах боломжтой.

Лавлах:

Нийслэлийн Боловсролын газар: 7011 3032 (Их, дээд сургууль)

Нийслэлийн Хөдөлмөр Эрхлэлтийн газар: 70160502 (МСҮТ, Коллеж)

U money карт хэрэглэгчийн төв: 7015 1289