/2022.10.10/ Энэтхэгт "Хүн идэгч Чампаран" гэгч барыг 200 гаруй цагдаагийн хүн хүчний бүрэлдэхүүнтэйгээр эрэн хайсны эцэст олж, буудан хөнөөжээ. Эрэн хайхын тулд зарим цагдаа нар зааныг хүртэл ашиглажээ.
Энэхүү "Хүн идэгч Чампаран" гэгч бар нь нийт 9 хүний аминд хүрчээ.
Бихарын цагдаа нар 3 настай эр барыг агнах ажиллагааг удирдан зохион байгуулж, нишингийн талбайгаас түүнийг олсон байна. Барыг Т-104 хэмээн кодолжээ.
Т-104 бар өнгөрөгч бямба гарагт ээж, хүү хоёрыг дайрч, амь насыг нь хөнөөсөн юм.
Дэлхийн зэрлэг барнуудын 70 хувь нь Энэтхэг улсад амьдардаг. Жилд 40-50 хүн барын дайралтын улмаас амиа алддаг ажээ.
Эх сурвалж: BBC
