/2021.08.23/: “Нэгдсэн Орос улс” нам вакцинжуулалтаас шалтгаалан багш, сурагчдад хязгаарлалт хийхийг эсэргүүцэв. Намын гишүүд “Эрдэмийн өдөр” буюу 9-р сарын 1-ний өдөр бүх сургуулийн сурагчдын хичээлийг бүтэн цагаар эхлүүлэхийг шаардаж байна.
Ерөнхийлөгчийн Хүүхдийн эрхийн комиссар Анна Кузнецова хичээлийн шинэ жил эхлэхийн өмнөхөн ОХУ-ын Боловсролын яамны сайд Сергей Кравцовтой уулзлаа. Тэд ариун цэврийн болон эпидемиологийн стандартын шаардлагыг харгалзан боловсролын үйл явцыг зохион байгуулах талаар ярилцав.
Уулзалтын дараа Кузнецова хэлэхдээ, ойрын хугацаанд ОХУ сургалтаа зайны формат руу шилжүүлэхээр төлөвлөөгүй байна гээд бидний байр суурь бол 9-р сарын 1-нд бүх хүүхдүүд сургуульд ирэх ёстой. Боловсролын байгууллагууд нөхцөл байдлын онцлогтой холбогдуулан одоо авч хэрэгжүүлж буй бүх шаардлагыг хангаад байна. Хүүхдүүд биечлэн суралцана” гэж хэлэв.
Кузнецова хэлэхдээ, Ковид-19 өргөн тархсан тул вакцинжуулалтын асуудал чухал хэвээр байгаа хэдий ч вакцины компанит ажлын ач холбогдол нь албадлага гэсэн үг биш Тиймээс коронавирусын эсрэг вакцинд хамрагдаагүй багш, сурагчдыг ялгаварлан гадуурхах ёсгүй гэж мэдэгджээ.
Боловсролын сайд алсын зайны сургалт явуулах төлөвлөгөө байхгүй байгаа тухай Кузнецовагийн хэлсэн үгийг батлав. Тэрээр хэлэхдээ, яам тус бүр нь тус тусдаа вирусын тархалтыг бууруулах, сургалтыг аль болох аюулгүй явуулах арга хэмжээний талаар хамтран ажилласан гэв.
ER.ru вэбсайтад мэдээлснээр, өмнө нь “Нэгдсэн Орос улс” нам оюутнуудад вакцинд хамрагдах эсэхийг шийдэх эрхийг оюутнуудад олгох асуудлыг шийдэж чадсан гэжээ. Вакцинжуулалтад хамрагдсан эсэх нь боловсролын үйл явц, дотуур байранд амьдрах зэрэгт нөлөөлөх ёсгүй гэж намын гишүүд хэлэв.
Тус улсын гол их сургуулиудын ректорууд “Нэгдсэн Орос улс” намын байр суурийг дэмжиж байгаа юм.
“Нэгдсэн Орос улс” нам болон "Шинэ сургууль" төслийн гишүүн, Тюмень бүс нутгийн олон нийтийн зөвлөлийн дарга, Тюмень бүс нутгийн төлөөлөгч Думын депутат Николай Токарчук тус бүс нутгийн боловсролын байгууллагуудад хэлтэс, газрын комиссын шалгалт хийгдэж байгааг тэмдэглэн хэлэв. "Намын депутатууд, эцэг эхчүүд, холбооны болон хотын дэд бүтцийн төлөөлөгчид сургуулиудын засвар, нийтийн хоолны чанар, тоног төхөөрөмж, номын сан, биеийн тамирын заалны бэлэн байдал, ариутгал, ионжуулалтын аюулгүй байдлыг шалгаж байна. Багш нар өөрсдөө хичээлийн шинэ жилдээ хэр бэлэн байгаа талаар бид бас сонирхож байна ” гэж тэрээр нэмж хэлээд сургуулиудын бэлэн байдал сайн байгаа, ямар нэгэн ноцтой дутагдал алга байна гэжээ.
Николай Токарчукийн хэлснээр хүүхдүүд шинэ хичээлийн жил эхлэхийг тэсэн ядан хүлээж байна, учир нь тэдний хувьд багш болон ангийнхантайгаа амьд харилцаа холбоо тогтоох нь цахимаар суралцахаас хамаагүй илүү сонирхолтой байдаг гэв.
Эх сурвалж: nashgorod.ru
