/2022.09.09/: Увс аймгийн Малчин сумын Цагаан бургасын дэнж гэдэг газар тус сумын харьяат малчин Г есдүгээр сарын 04-ний өдрийн 18:00 цагийн орчим согтуугаар гэрээсээ явганаар гараад сураггүй болсон бөгөөд тус сумын мэргэжлийн анги болон орон нутгийн иргэд хамтран 3 хоногийн хугацаанд эрэн хайх ажиллагааг зохион байгуулсан боловч үр дүнд хүрээгүй юм.

Тус сумын мэргэжлийн ангиас хүч нэмэгдүүлэн ажиллах тухай хүсэлтийг есдүгээр сарын 07-ны өдөр Онцгой байдлын газарт ирүүлсэн байна.

Хүсэлтийг тус аймгийн Онцгой байдлын газрын Гал түймэр унтраах, аврах 41 дүгээр ангийн алба хаагчид 2022 оны есдүгээр сарын 08-ны өдрийн 09:00 цагт “Цагаан бургасны дэнж” гэдэг газраас зүүн зүгт 8 км газарт айлаас малчин Г 18 настай, эрэгтэйг эсэн мэнд олжээ.

Эх сурвалж: ОБЕГ