/2022.09.09/: Өнөөдөр болох үйл явдлуудыг тоймлон хүргэж байна.

9.00: МУИС-ийн Номын санд "Цөлжилтийн эсрэг тэмцэх арга зам, инновацийг нэвтрүүлэх нь" эрдэм шинжилгээний хурал болно.

11.00: Монгол ньюс мэдээллийн төвд Иргэдийн оролцооны нэгдэл намын дарга Ц.Оюунгэрэл, Ерөнхий менежер Л.Хандсүрэн нар тус намын үйл ажиллагаа, онцлог болон вэб сайтыг олон нийтэд танилцуулна.

11.00: СЭМҮТ, Монголын Сэтгэцийн Эрүүл Мэндийн Нийгэмлэг ТББ-аас COVID-19-ийг цар тахал хэмээн зарласнаас хойшхи сэтгэцийн эрүүл мэндийн байдал, ойрын ирээдүйд авч хэрэгжүүлэх ажлын талаар мэдээлнэ. Мөн улсын хэмжээнд хийсэн сэтгэцийн эрүүл мэндийн байдлыг тодорхойлох судалгааны дүнг танилцуулна.

11.00: Цахим Хөгжил Харилцаа холбооны сайд Н. Учрал “E-Mongolia”-гийн ажилтай танилцана.

12.00: Тэгш хүртээмжтэй төрийн үйлчилгээ авах, сурах хөгжих эрх нь зөрчигдөж байгаа хүүхэд, залуучуудын эцэг эхийн төлөөлөл , Ээлтэй Ертөнц ТББ-асс “Бид ч бас эрхээ хамгаалуулмаар байна, Сайдаа. Монгол Улсын төрөөс, ЗГХГ-ын дарга Д.Амарбаясгалангийн мэдэгдэлтэй холбоотой Танаас асуух асуулт байна” сэдвээр мэдээлнэ.

12.00: “Мишээл экспо”-гийн зүүн талд нийслэл дэх орон нутгийн оюутнуудын анхны жишиг дотуур байр болох “Оюутны хотхон”-ы бүтээн байгуулалтын ажил хоёр жил гацаж байгаа талаар мэдээлнэ.

13.00: ШУА-ийн Хүрээлэнгүүдийн нэгдсэн I байранд Хэл зохиолын хүрээлэнгийн Хэл шинжлэлийн салбарын эрдэм шинжилгээний тэргүүлэх ажилтан, доктор, дэд профессор С.Мөнхсайханы “Монголын нууц товчооны тайлбар толь” номын нээлт болно.

13.00: “Чингис Соосэ” их сургуульд Монгол Улсын тусгаар тогтнол, эх орныхоо төлөө халуун амиа зориулсан ахмад дайчдын үр хойчдыг оролцуулсан “Нэргүй баатрууд” яруу найргийн наадам болно.