/2022.09.06/ “Эрдэнэт үйлдвэр” ТӨҮГ-ын ажилтан Lexus, BMW маркийн автомашиныг хямд үнээр борлуулж, улсад хохирол учруулжээ.
Тодруулбал, тус үйлдвэрийн нэгдүгээр орлогч, ерөнхий инженер “Б” нь албан тушаалын байдлаа урвуулан ашиглаж өнгөрсөн оны долоодугаар сарын 06-ны өдөр хууль бус дуудлага худалдаа зохион байгуулсан байна. Улмаар “Lexus-570” маркийн, “Тоёота Хайс” маркийн болон “BMW-535” маркийн тээврийн хэрэгслүүдийг өөрийн хамаарал бүхий “Э”, “Б” нарт хямд үнээр худалдан борлуулж, улсад их хэмжээний хохирол учруулжээ.
Тиймээс АТГ-аас тус хэргийг шүүхэд шилжүүлэх саналтайгаар прокурорын байгууллагад хүргүүлсэн байна.
Эх сурвалж: АТГ
