/2022.08.10/ Ерөнхийлөгч У.Хүрэлсүхийн урилгаар НҮБ-ын Ерөнхий нарийн бичгийн дарга (ЕНБД) Антонио Гутерреш энэ сарын 8-11-ний өдрүүдэд Монгол Улсад албан ёсны айлчлал хийж байгаа билээ.

Тэрээр өчигдөр Монгол Улсын Ерөнхийлөгч У.Хүрэлсүхэд бараалхсан юм. Тэгвэл тэрээр өнөөдөр айлчлалынхаа хүрээнд Горхи Тэрэлжийн байгалийн цогцолборт газрын “Хаадын хаан морин парк”-д зочилж, Хаадын хаан Чингис хааны түүх, драмчилсан морьт үзүүлбэр үзэж сонирхлоо.

Тус үзүүлбэр нь Чингис хааны түүх, Монголын нууц товчооноос сэдэвлэж Тэмүүжин, Жамуха хоёрын хүүхэд нас, идэр нас, хайр сэтгэл, дайн дажин, Чингис хаанд өргөмжлөгдсөн Их Монгол Улсын түүхийг өгүүлэх бөгөөд морьт үзүүлбэртэй хослуулан найруулжээ.