МАН-ын бүлгийн дарга Ж.Батжаргал намын бүлгүүдийн талаар болон бусад асуудлын талаар мэдээлэл өглөө.

Тэрээр бүлгийн зарим гишүүд хуралдаанд оролцохгүй байгаа талаар "Зарим гишүүд зайлшгүй шаардлагын улмаас гадаад томилолттой яваа. Зарим гишүүд чуулганд оролцохгүй гэх байр суурь илэрхийлсэн. Тийм зүйл байж болно. Бид бол ирцээ бүрдүүлэхийн тулд л ажиллаж байгаа.

Удирдах зөвлөлөөс тодорхой шийдвэрүүд гарсан, бүлэг дээрээс шийдвэрүүд гарсан. Үнэхээр мэдсээр байж орж ирэхгүй байгаа бол намын дүрэм, журмын хүрээнд асуудлуудаа ярина. Үүнийгээ их тодорхой зарласан.

Бид 44-үүлээ хуралдаа суусан. Энэ чинь 38-аас давчихсан тоо. Тэгэхээр хагарал гэх зүйл байхгүй л байгаа биз дээ?" гэжээ.