/2024.05.02/: ДЭМБ-ын Хүүхдийн хорт хавдрын эмийн хангамжийг сайжруулах дэлхийн санаачлагыг хэрэгжүүлэх зургаан орны нэгээр Монгол Улс сонгогдсон.

Энэ хүрээнд ДЭМБ, ЭМЯ хамтран ажиллах гэрээг байгуулж 2023 оны арванхоёрдугаар сарын 21-нд Эрүүл мэндийн сайд С.Чинзориг, ДЭМБ-ын Монгол дахь Суурин төлөөлөгч Др.Сокорро Эскаланте нар гарын үсэг зурсан юм.

Ингэснээр хүүхдэд зонхилон тохиолдож буй 6 төрлийн хорт хавдрын тусламж үйлчилгээнд нэн шаардлагатай, ДЭМБ-ын баталгаажуулалтад хамрагдсан, эмийн хатуу зохицуулалттай улс оронд үйлдвэрлэсэн, чанарын өндөр шаардлагыг хангасан эмийг 2024-2027 онд үнэ төлбөргүйгээр хүлээн авах юм.

Энэ нь хорт хавдраар шаналж буй олон зуун хүүхдийн амь насыг аврах бодит боломжийг бүрдүүлж байна.

Эх сурвалж: ЭМЯ