/2024.04.23/: Цагдаагийн байгууллагад энэ оны өнөөдөр өдрийн 11 цагийн үед Баянзүрх дүүргийн 18 дугаар хороонд байрлах "Ерөнхий боловсролын сургуулийн байрны 4 давхраас хүүхэд унасан" гэх дуудлага мэдээлэл бүртгэгдсэн байна.

Дуудлага мэдээллийн дагуу шалгахад 14 настай, эмэгтэй сурагч толгой нь эргэж, дотор муухайрсны улмаас цонхоор агаар амьсгалах үедээ толгой нь эргэж унасан гэх нөхцөл байдал урьдчилсан байдлаар тогтоогджээ.

Хохирогчид яаралтай эмнэлгийн тусламжийг үзүүлсэн бөгөөд үргэлжлүүлэн шалгалтын ажиллагаа хийгдэж байна.