Нисэх онгоцны буудлаас 22 сая долларын алт хулгайлсан хэргээр зургаан хүнийг баривчилжээ
Шуурхай мэдээ
 
Энэ мэдээ хуучирсан буюу 2024/04/18-нд нийтлэгдсэн мэдээ болно.

Нисэх онгоцны буудлаас 22 сая долларын алт хулгайлсан хэргээр зургаан хүнийг баривчилжээ

Toronto Pearson International Airport

/2024.04.18/: Өнгөрсөн жил Торонтогийн Пирсон олон улсын нисэх онгоцны буудлаас олон сая долларын алт хулгайлсан хэргээр зургаан хүнийг баривчилсан гэж Канад, АНУ-ын цагдаа нар өчигдөр мэдэгдлээ.

Цагдаа нар мөн өөр гурван хүнийг баривчлах тушаал гаргажээ. Бүх есөн сэжигтнийг 19 гаруй зүйл ангиар буруутгаж байгаа юм.

2023 оны дөрөвдүгээр сарын 17-ны өдөр 22 сая гаруй канад долларын үнэ бүхий алтан гулдмай, гадаад валют тээвэрлэж явсан агаарын ачааны чингэлэгийг хуурамч бичиг баримт ашиглан аюулгүй хадгалах газраас хулгайлсан гэж цагдаа нар мэдэгдэв. Алт, валют Швейцарийн Цюрих хотоос Эйр Канад компанийн онгоцоор дөнгөж сая ирсэн байна.

Air Canada компанийн хоёр ажилтан хулгайн гэмт хэрэгт тусалсан гэж цагдаа нар мэдэгдэв. Нэгийг нь одоо цагдан хорьж байгаа бол нөгөөг нь баривчлах шийдвэр гаргажээ.

“Энэ хэргийг шалгахад хичээнгүйлэн ажилласан цагдаа нарт баярлалаа. Энэ хэрэг шүүх дээр байгаа тул бид нэмэлт тайлбар өгөх боломж хязгаарлагдмал. Гэсэн хэдий ч цагдаа нарын мэдэгдсэнээр, хэрэг гарах үед илэрсэн хоёр хүн Air Canada компанийн ачааны хэлтэст ажиллаж байсан гэдгийг бид баталж чадна. Нэг нь баривчилгааг өнөөдөр зарлахаас өмнө компаниас гарч, хоёр дахь нь баригдсан" гэж Air Canada компанийн хэвлэлийн төлөөлөгч Питер Фицпатрик мэдэгдэв.

"Төсөл 24Карат" гэж нэрлэсэн мөрдөн байцаалтын ажиллагаанд АНУ-ын Архи, тамхи, галт зэвсэг, тэсэрч дэлбэрэх бодисын товчооны Пенсильвани дахь хэлтэс оролцсон байна.

Ачааны чингэлэг хулгайлсан ачааны машины жолооч нь 2023 оны есдүгээр сард замын хөдөлгөөний дүрэм зөрчсөн хэргээр Пенсильванид баривчлагдсан Канад эр байсан аж. Уг жолооч АНУ-д хууль бусаар явж байсан бөгөөд түрээсэлсэн машинаас нь галт зэвсэг олсоны дараа явган зугтсан гэж мэдэгджээ.

Тээврийн хэрэгсэлд нэгжлэг хийх үеэр Канад руу хууль бусаар нэвтрүүлэхээр төлөвлөж байсан 65 галт зэвсгийг олсон байна.

Эх сурвалж: CNN

Дорнод аймагт гарсан гурван хээрийн түймрийг бүрэн унтраалаа
Дорнод аймагт гарсан гурван хээрийн түймрийг бүрэн унтраалаа
 
Ардчилсан намаас жагсаалтаар нэр дэвших 25 хүний нэрс
Энэ мэдээ хуучирсан буюу 2024/04/18-нд нийтлэгдсэн мэдээ болно.