/2024.03.07/: Археологичид Германы өмнөд хэсэгт байрлах нэгэн газраас Европт урьд өмнө малтсан хамгийн том булшийг илрүүлсэн гэж мэдэгдлээ.
Мягмар гарагт нийтлэгдсэн хэвлэлийн мэдээнд дурдсанаар Нюрнберг хотын төвөөс тахлын хохирогчдын 1000 орчим араг яс олдсон бөгөөд үүнд нийт 1500 гаруй хүний араг яс байж магадгүй гэж мэргэжилтнүүд үзэж байна.
Энэ нь хотод шинэ орон сууцны барилга барихаас өмнө археологийн судалгааны явцад олдсон үлдэгдэл юм.
Нюрнбергийн өвийг хамгаалах хэлтсийн ажилтан Мелани Лангбейн CNN-д хэлэхдээ тахлын найман нүх илрүүлсэн бөгөөд тус бүр нь хэдэн зуун цогцос агуулсан байна гэжээ.
"Энэ нь Христийн шашны оршуулгын зан үйлийг үл харгалзан богино хугацаанд маш олноор нь оршуулсан байгаа тул тахал байх магадлал хамгийн өндөр байна" гэж Лангбейн хэлжээ.
Нюрнбергт 14-р зуунаас хойш ойролцоогоор 10 жил тутамд тахлын дэгдэлт гарч байсан нь шарилын үлдэгдлийг он сарыг тогтооход бэрхшээлтэй болгож байгаа аж.
Археологичид 1400-аад оны сүүлчээс 1600-аад оны эхэн үед хамаарах бөөнөөр нь оршуулсан булшны он цагийг радионүүрстөрөгчийн онолоор тогтоосон бөгөөд уг газраас тухайн үеийн төгсгөлийн үеийн ваар савны хэлтэрхий, зоос олжээ.
Тэд мөн 1632-1633 онд 15,000 гаруй хүний аминд хүрсэн тахлын дэгдэлтийг нарийвчлан харуулсан 1634 оны тэмдэглэлийг олж илрүүлсэн бөгөөд энэ нь одоогийн малтлагын газар болох Гэгээн Себастьян эмнэлгийн ойролцоо бараг 2,000 хүн оршуулсан гэж Лангбейн хэлэв.
Энэхүү нотлох баримт нь малтлагын багийг эртний бүлэг үлдэгдэл нь 1632-1633 оны тахал өвчний үеийнх байж магадгүй гэсэн дүгнэлтэд хүргэсэн юм.
Эх сурвалж: CNN
