/2024.02.02/: Кенийн нийслэл Найроби хотод хий дэлбэрсний улмаас гурван хүн амиа алдаж, 300 орчим хүн шархаджээ.

Эмбакаси дүүрэгт 23:30 цагийн орчимд хий тээвэрлэж явсан ачааны машин дэлбэрч, "асар том гал түймэр гарсан" гэж засгийн газрын хэвлэлийн төлөөлөгч мэдэгдэв.

Дэлбэрэлтийн улмаас орон сууцнууд, машинууд эвдэрч сүйдсэн байна.

Эмбакаси хотын цагдаагийн дарга Уэсли Кимето дэлбэрэлтийн улмаас амиа алдагсдын дунд хүүхэд байгаа бөгөөд амиа алдагсдын тоо нэмэгдэж магадгүй гэж мэдэгдэв.

Кенийн Улаан загалмайн нийгэмлэг 271 хүнийг эмнэлэгт хүргэж, 27 хүнийг газар дээр нь эмчилсэн гэж байна.

Эх сурвалж: ВВС