/2024.01.31/: Баянзүрх дүүрэгт байрлах Дүнжингарав худалдааны төвийн орчимд зам тээврийн ноцтой осол гарч гал гарсны улмаас 3 хүн амиа алдаж хэд хэдэн хүн түлэгдэж бэртсэн.
Түлэгдсэн хүмүүсийн дунд ГССҮТ-д амь насны заалттай эмчлүүлж байгаад нэг иргэн амиа алдсан харамсалтай хэрэг гарсан.
Тэгвэл ослын улмаас ГССҮТ-д 90-95 хувийн түлэгдэлтэй эмчлүүлж байсан дахин нэг иргэн өнөөдөр өглөөний 10:30 цагт нас барсан талаар тус эмнэлгээс мэдэгдлээ.
Одоогоор дөрвөн хүний биеийн байдал хүнд байна.
